3 ປີຕາຍເພາະໂຄວິດກວ່າ 6 ລ້ານ ນັກວິຊາການຊີ້ຕົວເລກຈິງສູງກວ່າ 4 ເທົ່າ

ການລະບາດຂອງພະຍາດໂຄວິດນັບແຕ່ປີ 2019 ເປັນຕົ້ນມາ, ຂ້າຊີວິດຊາວໂລກໄປແລ້ວກວ່າ 6 ລ້ານລາຍ, ດ້ານຜູ້ຊ່ຽວຊານການແພດກໍຄາດຄະເນວ່າ ຈຳນວນຜູ້ຕາຍອາດຫຼາຍກວ່ານັ້ນ 4 ເທົ່າເພາະຍັງມີປະຊາກອນໃນຫຼາຍພື້ນທີ່ຂອງໂລກບໍ່ສາມາດເຂົ້າເຖິງບໍລິການດ້ານສາທາລະນະສຸກ.

ສຳນັກຂ່າວຕ່າງປະເທດໄດ້ລາຍງານເມື່ອວັນທີ8ມີນາ2022ວ່າ: ໂຄວິດ-19 ແຜງລິດຮ້າຍແຮງຂຶ້ນພາຍໃນໄລຍະເວລາ 7 ເດືອນຫຼັງການລະບາດໃຫຍ່ເມື່ອຕົ້ນປີ 2020, ຊຶ່ງຂ້າຊີວິດຜູ້ຄົນທົ່ວໂລກໄປເຖິງ1ລ້ານລາຍ ແລະ ຕາຍໄປອີກ 1 ລ້ານລາຍໃນເວລາ 4 ເດືອນຖັດມາ. ຫຼັງຈາກນັ້ນກໍມີຜູ້ເສຍຊີວິດ 1 ລ້ານລາຍໃນທຸກ3ເດືອນ,ຈົນຍອດສະສົມທະລຸເຖິງ5ລ້ານລາຍເມື່ອເດືອນຕຸລາ 2021.

ແຕ່ໃນລາຍງານຫຼ້າສຸດເມື່ອວັນທີ8ມີນາກໍລະບຸຕົວເລກຜູ້ຕາຍສະສົມທະລຸ6ລ້ານລາຍໄປແລ້ວ, ຕໍ່ກັບເລື່ອງນີ້ ທ່ານ ເອດົວຣ໌ ແມທທິວ ຜູ້ອຳນວຍການສູນຂໍ້ມູນ Our World in Data ໄດ້ກ່າວວ່າ ”ຫາກສຶກສາລົງເລິກກໍຈະພົບວ່າຈຳນວນຜູ້ເສຍຊີວິດທີ່ລາຍງານນັ້ນຕ່ຳກວ່າຄວາມເປັນຈິງປະມານ4ເທົ່າ” ຊຶ່ງສອດຄ່ອງກັບການຄາດຄະເນຂອງນັກວິຊາການອີກຫຼາຍທ່ານທີ່ລະບຸວ່າ ຕົວເລກຜູ້ເສຍຊີວິດຈາກໂຄວິດ-19 ທົ່ວໂລກຢູ່ທີ່ປະມານ 14,1-23,8 ລ້ານລາຍ.

 

แชร์