ສຳເລັດການແຂ່ງຂັນລົດຈັກທາງລຽບ ຊີງແຊ໋ມປະເທດລາວ

 ວັນທີ 17 ມີນາຜ່ານມາທີ່ສະໜາມແຂ່ງລົດວີອາຊີບ້ານນາຊອນເມືອງນາຊາຍທອງ ນະຄອນຫຼວງວຽງຈັນ, ສະໜາມແຂ່ງລົດວີອາຊີສຳເລັດການແຂ່ງຂັນລົດຈັກທາງລຽບຊີງແຊ໋ມປະເທດລາວ (VRC CUP ROAD RACINGCHAMPIONSHIP) ໂດຍໃຫ້ກຽດເຂົ້າຮ່ວມ ແລະມອບລາງ ວັນຂອງທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ,ມີຕາງໜ້າຈາກຫ້ອງການ ປກສ ເມືອງ ນາຊາຍທອງ ພ້ອມດ້ວຍຄະນະ, ບັນດາຜູ້ໃຫ້ການສະໜັບສະໜູນ, ນັກກີລາ ແລະສື່ມວນຊົນທົ່ວນະ ຄອນຫຼວງວຽງຈັນ.

  ການແຂ່ງຂັນໃນຄັ້ງນີ້ແມ່ນເພື່ອເປັນການຊຸກຍູ້ສົ່ງເສີມນັກ ແຂ່ງລົດຈັກໃຫ້ຫັນມາແຂ່ງຂັນກັນເປັນກີລາ ແລະເປັນອາຊີບໃນອະນາ ຄົດ ແລະເພື່ອສ້າງຂະບວນການ ສົ່ງເສີມປີທ່ອງທ່ຽວລາວ-ຈີນ 2019 ພ້ອມກັບຍົກລະດັບຄວາມ ສາມາດນັກກີລາແຂ່ງລົດໃນລາວ ແລະການເກັບຄະແນນສະສົມເພື່ອສ້າງໂອກາດໃຫ້ເຂົາເຈົ້າໄດ້ໄປແຂ່ງຂັນຕໍ່ໃນລະດັບສາກົນໃນຕໍ່ໜ້າ. ຊຶ່ງ ການແຂ່ງຂັນລົດຈັກທາງລຽບຊີງແຊ໋ມປະເທດລາວ ຄັ້ງນີ້ຊີງເງິນ ລາງວັນລວມຫຼາຍກວ່າ 10 ລ້ານ ກີບ ແລະຈັດຂຶ້ນເປັນເວລາ 2 ວັນ ລະຫວ່າງວັນທີ 16-17 ມີນາ 2019 ປະກອບມີໃນວັນທີ 16 ມີ ນາ 2019 ເລີ່ມແຂ່ງຂັນເວລາ 13:00  ໂມງ  ມີ 4 ຮຸ່ນຄື:  ຮຸ່ນ KR 59, DASH LS 59, CLICK PCX OPEN ແລະTENA. ສ່ວນໃນວັນທີ 17 ມີນາ 2019  ເລີ່ມແຂ່ງຂັນເວລາ 09:00 ໂມງ ມີ 9  ຮຸ່ນຄື:  ຮຸ່ນ NAKED 125- 135CC, NAKED 150-200 CC, NAKED 250-400 CC, GIXXER D1, GIXXER D1, SPORT 250-400 CC, SPORT 150-200 CC, GIX XER INTER ແລະGIXXER. ນອກຈາກນັ້ນ, ພາຍໃນງານຍັງມີ               ຫຼາກຫຼາຍກິດຈະກຳ  ແລະບູດຮ້ານ ຄ້າຫຼາຍກວ່າ 20 ຮ້ານອີກດ້ວຍ.

  ຜ່ານການແຂ່ງຂັນຄັ້ງນີ້ ຜົນປາ ກົດວ່າອັນດັບ 1 ຮຸ່ນ NAKED 125-135CC  ທ້າວ  ມອນກີ້, ຮຸ່ນ NAKED 150-200 CC ອັນດັບ 1 ທ້າວ ຟິດໂຊ, ຮຸ່ນ SPORT 150-200 CC ອັນດັບ 1 ທ້າວ ໄມ, ຮຸ່ນ SUZUKI GIXXER D1 150 CC ອັນດັບ 1 ທ້າວ ເຈເດັ້ນ, ຮຸ່ນ SUZUKI GIXXER D2 150 CC ອັນດັບ 1 ທ້າວ  ໂອເຄ, ຮຸ່ນ NAKED 250-400 CC ອັນດັບ 1 ທ້າວ ຟອງ, ຮຸ່ນ SPORT 400 CC ອັນດັບ 1 ທ້າວ  ເຈເດັ້ນ, ຮຸ່ນ NAKED 135 CC ອະນຸຊົນບໍ່ເກີນ 10 ປີ ອັນດັບ 1 ທ້າວ ມອນຕີ້ ແລະຮຸ່ນ NAKED 150 CC ມິດຕະພາບລາວ-ໄທ ອັນດັບ 1 ທ້າວ ເຈເດັ່ນ (ສປປ ລາວ), ອັນດັບ 2 ທ້າວ ນັດຈາກປະເທດໄທ ແລະອັນດັບ 3 ທ້າວ ສະຫຼາມຈາກ ສປປ ລາວ.

 

แชร์