ໂຮງຮຽນປະຖົມ 60 ແຫ່ງທົ່ວເມືອງແປກ ຝຶກອົບຮົມການຂຽນຮ່າງປະຫວັດນັກຮຽນ

ພິທີມອບ-ຮັບ ວັນທີ 11 ມີນາ ຜ່ານມາ ໜ່ວຍງານສາມັນສຶກສາ ຂອງຫ້ອງການສຶກສາທິການ ແລະ ກີລາເມືອງ (ສກມ) ແປກແຂວງຊຽງຂວາງໄດ້ຈັດຝຶກອົບຮົມໃຫ້ຄູ-ອາຈານສອນ 60 ໂຮງຮຽນເປົ້າ ໝາຍໃນຊັ້ນປະຖົມຜູ້ທີ່ຮັບຜິດຊອບ ວຽກງານປະກອບປະຫວັດນັກ ຮຽນຂັ້ນຮຽນ ປ.5 ທີ່ສະໂມສອນ ໂຮງຮຽນ ມສ ສີບຸນເຮືອງ ເມືອງ ແປກ ໂດຍໃຫ້ກຽດເຂົ້າຮ່ວມ ແລະ ກ່າວເປີດຊຸດອົບຮົມຂອງທ່ານບຸນເຮືອງອິນທະວົງຮອງຫົວໜ້າຫ້ອການ (ສກມ) ແປກ, ມີຄູຝຶກ ແລະ ສໍາມະນາກອນເຂົ້າຮ່ວມ.

  ທ່ານ ນາງ ສີແພງວັນ ສິມທະລັງສີ ວິຊາການໜ່ວຍງານສາມັນ ສຶກສາຫ້ອງການ (ສກມ) ແປກ ໄດ້ກ່າວໃຫ້ຮູ້ເຖິງຈຸດປະສົງຂອງການຝຶກອົບຮົມຄັ້ງນີ້ແມ່ນເພື່ອໃຫ້ຄູຜູ່ຮັບຜິດຊອບວຽກງານປະກອບ ຂໍ້ມູນກ່ຽວກັບຮ່າງປະຫວັດນັກ ຮຽນຂັ້ນ ປ.5 ຊຶ່ງເປັນຂັ້ນຮຽນສຸດ ທ້າຍໃນຊັ້ນປະຖົມສຶກສາຮູ້ ແລະ ເຂົ້າໃຈການລົງໂປຣແກຣມຖານຂໍ້ ມູນໃນຄອມພີວເຕີ, ການເອົາຮູບຕິດ ບັດນັກຮຽນເຂົ້າຮ່າງທະບຽນ, ການລົງໂປຣແກຣມ Kutools for Excel,  ການຕິດຕັ້ງໂປຼແກຼມ PDF ແລະການນຳໃຊ້ສື່ສານແບບ Online ເຂົ້າໃນການສົ່ງເອກະສານ. ໃນນັ້ນມີຄູອາຈານຜູ້ຮັບຜິດຊອບ ວຽກງານດັ່ງກ່າວ 60 ໂຮງຮຽນທັງພາກລັດ ແລະເອກະຊົນໃນທົ່ວເມືອງເຂົ້າຮ່ວມ.ທ່ານ ນາງ ສີແພງວັນ ສິມທະ ລັງສີ ໃຫ້ຮູ້ຕື່ມອີກວ່າຫຼັງຈາກສຳ ເລັດການຝຶກອົບຮົມຊຸດນີ້ແລແມ່ນ ໃຫ້ຄູຜູ້ຮັບຜິດຊອບໄປຖ່າຍທອດຕໍ່ໃຫ້ຄູສອນຜູ້ທີ່ຈະສືບທອດວຽກ ງານດັ່ງກ່າວໃນຕໍ່ໜ້າເພື່ອໃຫ້ເຂົາເຈົ້າມີຄວາມຮູ້ພື້ນຖານໃນການນໍາ ໃຊ້ໃນຂັ້ຕໍ່ໄປ. ໂອກາດນີ້ທ່ານບຸນເຮືອງ ອິນທະວົງໄດ້ມີຄໍາຄິດຄຳເຫັນພ້ອມທັງເຊື່ອໝັ້ນຕໍ່ສໍາມະນາກອນທີ່ເຂົ້າ ຮ່ວມຊຸດຝຶກອົບຮົມຈະພ້ອມກັນຕັ້ງ ໃຈຄົ້ນຄວ້າສົນທະນາແລກປ່ຽນ ບົດຮຽນຮັບເອົາຄວາມຮູ້ນໍາຄູຝຶກ ເຕັມເມັດເຕັມໜ່ວຍພ້ອມທັງນໍາເອົາ ບົດຮຽນໄປໝູນໃຊ້ເຂົ້າໃນວຽກງານຕົວຈິງທີ່ຕົນເອງຮັບຜິດຊອບໃຫ້ ເກີດດອກອອກຜົນສູງສຸດ.  

ນສພ ເສດຖະກິດ-ສັງຄົມ

แชร์