ສົ່ງເສີມຄວາມສາມາດດ້ານພາສາຍີ່ປຸ່ນ ຂອງນັກຮຽນ

   ໃນວັນທີ 16 ມີນາ  2019, ການແຂ່ງຂັນເວົ້າພາສາຍີ່ປຸ່ນ ຄັ້ງທີ 16 ຈັດຂຶ້ນຢູ່ທີ່ໂຮງຮຽນມັດທະຍົມສຶກສາສົມບູນວຽງຈັນ, ນະຄອນ                   ຫຼວງວຽງຈັນ ເພື່ອສົ່ງເສີມການ ຮຽນພາສາຍີ່ປຸ່ນ ໃນ ສປປ ລາວ ແລະໃຫ້ໂອກາດແກ່ນັກຮຽນທ້ອງ ຖິ່ນໄດ້ສະແດງຄວາມສາມາດທາງ ດ້ານພາສາຍີ່ປຸ່ນຂອງພວກເຂົາ. ການແຂ່ງຂັນດັ່ງກ່າວຖືກຈັດຂຶ້ນ ໂດຍຄະນະກໍາມະການ  ຊຶ່ງປະກອບ ໄປດ້ວຍສະຖານເອກອັກຄະຣາຊະ ທູດຍີ່ປຸ່ນ ແລະບັນດາສະຖາບັນ ສອນພາສາຍີ່ປຸ່ນ ແລະບັນດານັກ  ຮຽນທີ່ໃຫ້ຄວາມສົນໃຈແມ່ນໄດ້ມາ ຈາກໂຮງຮຽນຫຼາຍແຫ່ງໃນທ້ອງ ຖິ່ນ.

  ການແຂ່ງຂັນເວົ້າພາສາຍີ່ປຸ່ນ ແມ່ນຖືກຈັດຂຶ້ນທຸກໆປີນັບຕັ້ງແຕ່ປີ 2004 ເປັນຕົ້ນມາເພື່ອສົ່ງເສີມນັກຮຽນຄົນລາວໃຫ້ຮຽນພາສາຍີ່ປຸ່ນ ລວມທັງຍັງເປັນການລົງເລິກເຖິງຄວາມເຂົ້າໃຈຮ່ວມກັນລະຫວ່າງປະຊາຊົນຂອງທັງສອງປະເທດ. ການແຂ່ງຂັນໃນປີນີ້ໄດ້ມີຜູ້ເຂົ້າແຂ່ງຂັນ 21 ຄົນ ໃນປະເພດອ່ານບົດເລື່ອງ ແລະ17 ຄົນໃນປະເພດເວົ້າ, ຊຶ່ງພວກເຂົາເຫຼົ່ານີ້ແມ່ນໄດ້ຖືກຂັດ ເລືອກໃນຮອບມທໍາອິດ ໂດຍຄະນະ ກໍາມະການ. ພວກເຂົາໄດ້ສະແດງ ຄວາມສາມາດທາງດ້ານພາສາໃນ ການເລົ່າບົດທ່ອງ ແລະຂຶ້ນກ່າວບົດ ທີ່ພວກເຂົາໄດ້ກຽມມາ. ນອກຈາກ ນີ້, ຍັງມີ 2 ຄົນກໍ່ໄດ້ຂຶ້ນກ່າວໃນ ບົດເວົ້າຕາມໃຈ ແລະຍັງມີການສະ ແດງຮ້ອງເພງ ແລະເຕັ້ນຂອງບັນດາ ນັກຮຽນຕະຫຼອດງານນໍາອີກ.

  ໃຫ້ກຽດເຂົ້າຮ່ວມງານໂດຍທ່ານວຽງທະວີສອນ ເທບພະຈັນ ຮອງ ປະທານຄະນະກໍາມາທິການຕ່າງປະເທດປະຈໍາສະພາແຫ່ງຊາດ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ ແລະທ່ານທາເກຊິ ຮິກິຮາຣະ, ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ.ນອກຈາກນີ້, ຍັງມີບັນດາພະນັກ ງານລັດ, ຄູ-ອາຈານ, ນັກຮຽນ ແລະປະຊາຊົນອ້ອມຂ້າງ, ລວມທັງຍາດ ພີ່ນ້ອງ ແລະໝູ່ເພື່ອນຂອງຜູ້ເຂົ້າ ແຂ່ງຂັນກໍ່ໄດ້ເຂົ້າຮ່ວມເພື່ອໃຫ້ກໍາລັງໃຈພວກເຂົາອີກດ້ວຍ.

ນສພ ເສດຖະກິດ-ສັງຄົມ

แชร์