ສົງຄາມການຄ້າສ້າງຄວາມເສຍຫາຍ ແກ່ເສດຖະກິດອາເມລິກາ 7,8 ຕື້ໂດລາ

ສົງຄາມການຄ້າຊຶ່ງທ່ານ ປະທານາທິບໍດີ ອາເມລິກາ ໂດນັລ ທຣໍາ ສ້າງຂຶ້ນໄດ້ເຮັດໃຫ້ລວມຍອດ ຜະລິດຕະພັນພາຍໃນ (ຈີດີພີ) ຂອງພື້ນຖານເສດຖະກິດແຖວໜ້າ ໂລກຖືກເສຍຫາຍເຖິງ 7,8 ຕື້ໂດ ລາ ສະຫະລັດໃນປີ 2018.

ຕາມຂ່າວສານຫວຽດນາມ ລາຍງານວ່າ ຜົນການສຶກສາຫຼ້າສຸດຂອງກຸ່ມບັນດານັກເສດຖະກິດ ທີ່ມາຈາກບັນດາມະຫາວິທະຍາໄລ ແຖວໜ້າຂອງອາເມລິກາລະບຸວ່າ  ບັນດານັກເສດຖະສາດໄດ້ໄຈ້ແຍກ ຜົນກະທົບໃນໄລຍະສັ້ນຈາກການ ເຮັດສົງຄາມການຄ້າກັບປະເທດ ຕ່າງໆຂອງທ່ານປະທານາທິບໍດີ ໂດນັລ ທຣຳ ທີ່ໄດ້ຈັດວາງອັດຕະ ພາສີເພີ່ມເຕີມສຳລັບບັນດາປະ ເພດສິນຄ້າທີ່ນຳເຂົ້າຈາກຫຼາຍປະ ເທດ. ພົບວ່າການນຳເຂົ້າສິນຄ້າຈາກບັນດາປະເທດຄູ່ຄ້າຫຼຸດລົງ 31,5% ໃນຂະນະທີ່ການສົ່ງອອກ ຂອງອາເມລິກາໄປຍັງຄູ່ຄ້າຫຼຸດລົງ 11%. ບໍ່ພຽງແຕ່ເທົ່ານັ້ນຄວາມ ເສຍຫາຍ ຊຶ່ງຜູ້ບໍລິໂພກ ແລະຜູ້ຜະ ລິດຕ້ອງແບກຫາບ ຍ້ອນຄ່າໃຊ້ ຈ່າຍຈາກການນຳເຂົ້າແມ່ນເພີ່ມ ຂຶ້ນເຖິງ 68,8 ຕື້ໂດລາ.

ຢ່າງໃດກໍຕາມ ການເຮັດສົງ ຄາມການຄ້າກັບປະເທດຕ່າງໆ ຂອງຜູ້ນຳອາເມລິກາ ລວມທັງ ຈີນສ້າງຄວາມເສຍຫາຍຕໍ່ເສດຖະ ກິດອາເມລິກາໃນປີ 2018 ທີ່ ຜ່ານມາ ຄິດເປັນມູນຄ່າ 7,8 ຕື້ ໂດລາ ຫຼື 0,04% ຂອງ ຈີດີພີ ແລະ ເຮັດໃຫ້ປະລິມານການສົ່ງອອກ ແລະນໍ້າເຂົ້າກັບປະເທດຄູ່ຄ້າຫຼຸດ ລົງ.

 ນສພ ເສດຖະກິດ-ສັງຄົມ

แชร์