ເກີດເຫດຍິງກັນຢູ່ນູແວນເຊລັງເສຍຊີວິດ 50 ຄົນ

ເຈົ້າໜ້າທີ່ນູແວນເຊລັງ ເປີດເຜີຍຍອດຜູ້ເສຍຊີວິດຈາກເຫດຍິງກັນ ທີ່ມັດສະຢິດໃນເມືອງໄຄຣເຊີດ ເພີ່ມເປັນ 50 ຄົນ ຫຼັງຈາກເຈົ້າໜ້າທີ່ພົບຜູ້ເສຍຊີວິດເພີ່ມຂຶ້ນ.

ຕາມຂ່າວຕ່າງປະເທດລາຍ ງານໃນວັນທີ 17 ມີນາປີນີ້ວ່າ ເກີດເຫດຍິງກັນທີ່ມັດສະຢິດ 2 ແຫ່ງ ໃນເມືອງ ໄຄຣເຊີດ ປະເທດນູ ແວນເຊລັງເຮັດໃຫ້ມີຜູ້ເສຍຊີວິດ 50 ຄົນ ແລະບາດເຈັບໜັກອີກ 13 ຄົນ. ຂະນະນີ້ ເຈົ້າໜ້າທີ່ຕໍາຫຼວດຈັບ ຜູ້ຕ້ອງສົງໄສໄດ້ 4 ຄົນ ເປັນຊາຍ 3 ຄົນ ຫຼັງຈາກມີສຽງປືນດັງຂຶ້ນ ຕິດຕໍ່ກັນປະມານ 50 ນັດ ໃນລະ ຫວ່າງການເກີດເຫດເມື່ອຄົນຮ້າຍ ບຸກເຂົ້າໄປກາດຍິງໃນມັດສະຢິດ ໂດຍມີຊາວມຸດສະລິມຈຳນວນ ຫຼວງຫຼາຍ ພວມເຮັດພິທີລະໝາດ ໃນຕອນສວຍນີ້ ລວມທັງມີທີມ ນັກກີລາ ຄຣິກເກັດ ຂອງບັງກລາ ເທດ ພວມເຂົ້າໄປຮ່ວມໃນພິທີດັ່ງ ກ່າວ ແຕ່ກໍ່ສາມາດໜີອອກໄປໄດ້ ຢ່າງປອດໄພ.

ທ້າວ ເບຣນຕັນ ແຮຣິສັນ ແທ ເຣນ ຜູ້ຕ້ອງສົງໄສອາຍຸ 28 ປີຖືກ ຕັ້ງຂໍ້ຫາຄາດຕະກຳໃນວັນທີ 16 ມີນາຜ່ານມາ ໂດຍຖືກສົ່ງຕົວໄປ ຂັງໃນລະຫວ່າງການນລໍຖ້າການ ພິຈາລະນາຄະດີ ແລະຕ້ອງມາຂຶ້ນ ສານອີກເທື່ອໜຶ່ງໃນວັນທີ 5 ເມສາ ຊຶ່ງຕຳຫຼວດຄາດວ່າອາດຖືກລົງ ໂທດຫຼາຍຂໍ້ຫາ.

ນສພ ເສດຖະກິດ-ສັງຄົມ

แชร์