ລ້ານຄົນ ຂາດແຄນນໍ້າໃນຟິລິບປິນ

  ມີປະຊາກອນປະມານ 6 ລ້ານຄົນ ຂາດແຄນນໍ້າໃນນະຄອນ ຫຼວງມະນີລາຂອງຟິລິບປິນ ເນື່ອງ ຈາກພາວະແຫ້ງແລ້ງເຮັດໃຫ້ສາຍ ນໍ້າແຫ້ງ.ຕາມຂ່າວຕ່າງປະເທດລາຍ ງານວ່າ ເປັນເວລາຫຼາຍກວ່າໜຶ່ງ ອາທິດແລ້ວ ທີ່ປະຊາຊົນຕ້ອງຕໍ່ຄິວ ລໍຖ້າຫຼາຍຊົ່ວໂມງຢູ່ຕໍ່ໜ້າລົດບັນ ທຸກນໍ້າ, ບໍ່ນໍ້າ ແລະຮ້ານຂາຍນໍ້າ ທົ່ວນະຄອນຫຼວງມະນີລາທີ່ມີປະ ຊາກອນອາໄສຢູ່ຫຼາຍກວ່າ 13 ລ້ານຄົນ ຊຶ່ງປະກອບມີ 16 ເມືອງ, ໂດຍເມືອງປາຊິກ ແລະມັນດາລູ ຢອງ ທີ່ມີຈຳນວນປະຊາກອນຢູ່ທີ 1,1 ລ້ານຄົນ ກຳລັງລໍຖ້າການ ປະກາດໄພພິບັດ ເພື່ອໃຫ້ເມືອງສາມາດໃຊ້ກອງທຶນສຸກເສີນເພື່ອຊ່ວຍຫາແຫຼ່ງນໍ້າ, ຊື້ລົດບັນທຸກນໍ້າເພີ່ມ ແລະຮັບມືກັບສິ່ງທີ່ຈະເກີດຂຶ້ນ, ຂະນະທີ່ບາງເຂດບໍ່ມີນໍ້າໃຊ້ມາດົນ ເຖິງ 8 ວັນ ເຮັດໃຫ້ເຂດນີ້ທຸກຄືນ ປະຊາຊົນຕ້ອງອອກຈາກເຮືອນ ພ້ອມຄຸຕັກນໍ້າລໍຖ້າລົດບັນທຸກນໍ້າ ແລ່ນເຂົ້າມາ. ໂດຍຄາດວ່າມີປະ ຊາຊົນຫຼາຍກວ່າ 6 ລ້ານຄົນຂາດ ແຄນນໍ້າໃຊ້, ສະຖາບັນການປູກ ຖ່າຍ ແລະພະຍາດໝາກໄຂ່ຫຼັງ ແຫ່ງຊາດ ຖືກບີບໃຫ້ຢຸດຈ່າຍນໍ້າ ໃຫ້ຫ້ອງຄົນເຈັບໃນໂຮງໝໍ ເພື່ອ ໃຫ້ເຄື່ອງຟອກໝາກໄຂ່ຫຼັງ 70 ເຄື່ອງຍັງເຮັດວຽກໄດ້. ຂະນະທີ່ ໂຮງໝໍລັດແຫ່ງໜຶ່ງໃນເມືອງປາ ຊິກ ຫຼຸດການຜ່າຕັດລົງເຄິ່ງໜຶ່ງ ເນື່ອງຈາກປະລິມານນໍ້າສຳຮອງ ເກືອບຈະໝົດແລ້ວ.

ບໍລິສັດໄດ້ດູດນໍ້າ 1.600 ລ້ານ ລິດຕໍ່ວັນມາຈາກເຂື່ອນ Angat ໃນແຂວງບູລາກັນ ແຕ່ໃນໄລຍະ ຫຼາຍປີນີ້ຄວາມຕ້ອງການໃຊ້ນໍ້າ ຫຼາຍເຖິງ 1.750 ລ້ານລິດຕໍ່ວັນ ເນື່ອງຈາກຈຳນວນປະຊາກອນ ທີ່ເພີ່ມຂຶ້ນ ເພື່ອເປັນການແກ້ໄຂບັນ ຫາບໍລິສັດຈິ່ງໃຊ້ນໍ້າຈາກເຂື່ອນ La Mesa ທີ່ມີຂະໜາດນ້ອຍກວ່າ ຢ່າງໃດກໍຕາມ ພາວະແຫ້ງແລ້ງ ຍັງເຮັດໃຫ້ລະດັບນໍ້າໃນເຂື່ອນ ແຫ່ງນີ້ຫຼຸດລົງຫຼາຍທີ່ສຸດໃນຮອບ 21 ປີ ແລະບໍລິສັດບໍ່ສາມາດຈັດ ຫານໍ້າສຳຮອງໄດ້ພຽງພໍ.

ເສດຖະກ້ດ-ສັງຄົມ

แชร์