ຈີນເປີດໂຕລົດເມໄຟຟ້າບໍ່ມີຄົນຂັບ

 ທ້າຍອາທິດທີ່ຜ່ານມາ ສປ ຈີນ ເປີດໂຕລົດ ເມໄຟຟ້າບໍ່ມີຄົນຂັບ ສາມາດແລ່ນຜ່ານນໍ້າຖ້ວມ ໄດ້ຢ່າງສະບາຍ ບໍ່ມີຄຳວ່າເຄື່ອງຈັກມອດ.ຕາມຂ່າວຊິນຮວາລາຍງານວ່າ ຈາກການ ທົດລອງລົດເມໄຟຟ້າບໍ່ມີຄົນຂັບ ຊຶ່ງຂັບເຄື່ອນ ດ້ວຍພະລັງງານໄຟຟ້າທີ່ມົນທົນຫູໜານ ຜົນປາ ກົດວ່າ ລົດເມລຸ້ນດັ່ງກ່າວສາມາດແລ່ນຜ່ານ ນໍ້າຖ້ວມລະດັບພຽງຫົວເຂົ່າໄດ້ໂດຍບໍ່ມີບັນຫາ ເຄື່ອງຈັກມອດ, ລົດລຸ້ນດັ່ງກ່າວພັດທະນາໂດຍບໍລິສັດ CRRC ຜູ້ຜະລິດລົດສັນຊາດຈີນ ເປັນລະບົບອັດຕະໂນມັດທີ່ນໍາທາງ ແລະຂັບເຄື່ອນເອງໄດ້ໂດຍບໍ່ຕ້ອງໃຊ້ມະນຸດຄວບຄຸມສາມາດກວດຈັບອຸປະກອນກີດຂວາງຕາມທ້ອງຖະໜົນ, ລ້ຽວໂຄ້ງ, ຫຼຸດຜ່ອນຄວາມໄວ ແລະຈອດລົດຕາມແຕ່ລະຈັງຫວະໄດ້ຢ່າງແນ່ນອນ.

ມໍເຕີໄຟຟ້າທີ່ນໍາມາໃຊ້ໃນລົດລຸ້ນດັ່ງກ່າວ ສາມາດເຮັດວຽກໄດ້ດີເຖິງແມ່ນວ່າຈະຢູ່ໃນນໍ້າ ຈິ່ງເປັນເຫດໃຫ້ລົດເມລຸ້ນນີ້ໄດ້ຊື່ວ່າເປັນລົດເມສະ ເທືອນນໍ້າສະເທືອນບົກ ບໍ່ຢ້ານແມ່ນແຕ່ໃນວັນຝົນຕົກໜັກນໍ້າຖ້ວມຂັງນັ້ນເອງ.

• 19/03/2019