ທ່ານ ບຸນຕາ ເທບພະວົງ ຮັບຕຳແໜ່ງໃໝ່ໃນສະພາແຫ່ງຊາດ

ເມື່ອອາທິດຜ່ານມາ, ໄດ້ມີການປັບປຸງກົງຈັກລັດຫຼາຍຕຳແໜ່ງໂດຍອີງໃສ່ມະຕິຕົກລົງຂອງສູນກາງພັກ. ໜຶ່ງໃນນັ້ນກໍແມ່ນການປັບປຸງກົງຈັກການຈັດຕັ້ງພາຍໃນສະພາແຫ່ງຊາດ, ຊຶ່ງໄດ້ຮັບຮອງເອົາການແຕ່ງຕັ້ງ ທ່ານ ບຸນຕາ ເທບພະວົງ ກຳມະການສຳຮອງສູນກາງພັກ, ເປັນຮອງປະທານກຳມາທິການແຜນການ, ການເງິນ ແລະການກວດສອບສະພາແຫ່ງຊາດ.

ພິທີປະກາດກົງຈັກການຈັດຕັ້ງພາຍໃນສະພາແຫ່ງຊາດ, ມີຂຶ້ນເມື່ອວັນທີ 4 ກຸມພາ 2022 ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງເລຂາຄະນະບໍລິຫານງານພັກສະພາແຫ່ງຊາດ, ຮອງປະທານສະພາແຫ່ງຊາດ; ມີບັນດາປະທານ, ຮອງປະທານກຳມາທິການ, ຫົວໜ້າ, ຮອງຫົວໜ້າກົມ ແລະພາກສ່ວນກ່ຽວຂ້ອງເຂົ້າຮ່ວມ.

ໂດຍ ທ່ານ ນາງ ສູນທອນ ໄຊຍະຈັກ, ໄດ້ກ່າວວ່າ: ການປະກາດ​ກາ​ນຈັດ​ຕັ້ງພາຍໃນສະພາແຫ່ງຊາດຄັ້ງນີ້ ແມ່ນມີຄວາມໝາຍສໍາຄັນຫຼາຍ, ​ຊຶ່ງສະພາ​​ແຫ່ງ​ຊາດ​ມີ​ຄວາມ​ຍິນ​ດີ​ຕ້ອນຮັບ ທ່ານບຸນ​ຕາ ​ເທບ​ພະ​ວົງ ທີ່​ໄດ້ຍົກຍ້າຍສັບປ່ຽນໜ້າທີ່ມາຮັບໜ້າທີ່ໃໝ່ຢູ່ສະພາແຫ່ງຊາດ, ໂດຍຖືເປັນເລື່ອງປົກ ກະຕິຂອງລະບົບການຈັດຕັ້ງພັກ-ລັດ ທີ່ຕ້ອງມີການປັບປຸງສັບຊ້ອນໄປຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ; ພ້ອມເຊື່ອ​ໝັ້ນ​ວ່າ ທ່ານຈະ​ຮ່ວມ​ກັບ​ໝູ່​ຄະນະ​ໃນ​ສະພາ​ແຫ່ງ​ຊາດ ສືບ​ຕໍ່ເພີ່ມທະວີຄວາມສາມັກຄີ ເປັນເອກະພາບພາຍໃນຄະນະໜ່ວຍພັກຮາກຖານ, ຄະນະນໍາຂອງກໍາມາທິການ​ແຜນການ, ການ​ເງິນ ​ແລະ ການກວດ​ສອບ, ຊີ້ນໍາ-ນໍາພາກໍາມາ​ທິການ​ໃຫ້ປະຕິ ບັດ​ພາລະ​ບົດບາດ, ສິດ ແລະ ໜ້າ​ທີ່​ຢ່າງ​ມີ​ປະສິດທິ​ຜົນ.

• 07/02/2022