ພົບສັດ-ພັນພືດໃໝ່ ໃນເຂດລຸ່ມແມ່ນໍ້າຂອງ

​ອົງການກອງທຶນສັດປ່າໂລກສາກົນ (WWF) ໄດ້ລາຍງານ “ການຄົ້ນພົບສາຍພັນໃໝ່” ໂດຍລະບຸວ່າ: ນັກວິທະຍາສາດຄົ້ນພົບສັດ-ພືດສາຍພັນໃໝ່ຫຼາຍກວ່າ 200 ຊະນິດ ໃນພູມີພາກລຸ່ມແມ່ນໍ້າຂອງ ຊຶ່ງປະກອບມີ ໄທ, ມຽນມາ, ລາວ, ກຳປູເຈຍ ແລະ ຫວຽດນາມ.

​ສຳນັກຂ່າວຕ່າງປະເທດໄດ້ລາຍງານເມື່ອວັນທີ 27 ມັງກອນ 2022 ວ່າ: ການຄົ້ນພົບດັ່ງກ່າວຢູ່ໃນລະຫວ່າງປີ 2020 ຊຶ່ງເປັນໄລຍະທີ່ໂລກກຳລັງຜະເຊີນກັບໄພຄຸກຄາມຈາກການປ່ຽນແປງຂອງສະພາບອາກາດ, ການຕັດໄມ້ທຳລາຍປ່າ ແລະ ອື່ນໆ ທີ່ເປັນໄພຄຸກຄາມຖິ່ນທີ່ຢູ່ອາໄສຂອງສັດ ແລະ ພັນພືດ.

​ສຳລັບສັດ ແລະ ພັນພືດໃໝ່ທີ່ຄົ້ນພົບໃນພູມີພາກລຸ່ມແມ່ນໍ້າຂອງ ແມ່ນມີ 224 ຊະນິດ, ໃນນີ້ ມີທັງສັດລ້ຽງລູກດ້ວຍນົມ, ປາຖໍ້າໄຮ້ສີ ແລະ ງູສີຮຸ້ງເກັດບໍ່ຊ້ອນກັນ; ນອກນັ້ນ ຍັງມີຄ່າງສາຍພັນໃໝ່ທີ່ໃສ່ຊື່ວ່າ “ໂພພາແລງເກີຣ໌” ຊຶ່ງຕັ້ງຕາມຊື່ພູໂພພາໃນປະເທດມຽນມາທີ່ເປັນແຫຼ່ງອາໄສຂອງປະຊາກອນລິງປະມານ 100 ໂຕ, ສ່ວນໃນຫວຽດນາມ ນັກວິໄຈກໍພົບກົບພູເຂົາ Ky Quan San ເທິງພູຊຶ່ງມີຊື່ດຽວກັບກົບທີ່ລະດັບຄວາມສູງກວ່າ 2 ພັນແມັດ.

​ທັງນີ້, ພູມີພາກລຸ່ມແມ່ນຳຂອງປະກອບດ້ວຍພູມປະເທດຫຼາກຫຼາຍຈິ່ງເປັນແຫຼ່ງທີ່ມີຄວາມຫຼາກຫຼາຍທາງຊີວະພາບແຫ່ງໃຫຍ່ທີ່ສຳຄັນ ແລະຍັງເປັນຖິ່ນອາໄສຂອງສັດປ່າໃກ້ສູນພັນເຊັ່ນ ເສືອ, ຊ້າງເອເຊຍ ແລະປາບຶກ.

แชร์