ລະວັງ “ໂອມິຄຣອນລ່ອງຫົນ” ກຳລັງຄຸກຄາມທົ່ວໂລກ

ອົງການອະນາໄມໂລກ (WHO) ກວດພົບຄົນຕິດເຊື້ອໂຄວິດ-19 ກາຍພັນ “ໂອມິຄຣອນສາຍພັນຍ່ອຍ” BA.2 ທີ່ຖືກຂະໜານນາມວ່າ “ໂອມິຄຣອນລ່ອງຫົນ” ເພີ່ມຂຶ້ນໃນທົ່ວໂລກ, ເຖິງແມ່ນວ່າຈະຍັງບໍ່ທັນຈັດໃຫ້ເປັນສາຍພັນທີ່ໜ້າກັງວົນ, ແຕ່ພາກສ່ວນກ່ຽວຂ້ອງກໍພວມຕິດຕາມຢ່າງໃກ້ຊິດ.

​ສຳນັກຂ່າວຕ່າງປະເທດໄດ້ລາຍງານໃນວັນທີ 27 ມັງກອນ 2022 ວ່າ: WHO ໄດ້ອອກມາເຕືອນເລື່ອງນີ້, ກ່ຽວກັບກໍລະນີຜູ້ຕິດເຊື້ອໂຄວິດໂອມິຄຣອນສາຍພັນຍ່ອຍ BA.2 ທີ່ເພີ່ມຈຳນວນຂຶ້ນ; ໃນຂະນະທີ່ອົງການອະນາໄມໂລກກໍຍັງບໍ່ທັນພິຈາລະນາທີ່ຈະຈັດໃຫ້ BA.2 ເປັນສາຍພັນທີ່ໜ້າກັງວົນ, ແຕ່ກໍກໍາລັງເຝົ້າຕິດຕາມສະຖານະການລະບາດຢ່າງໃກ້ຊິດເນື່ອງຈາກພົບຜູ້ຕິດເຊື້ອເພີ່ມຫຼາຍຂຶ້ນຢູ່ທົ່ວໂລກ.

​ໂຄວິດ-19 ໂອມິຄຣອນສາຍພັນຍ່ອຍ BA.2 ຖືກຕັ້ງສາຍາວ່າ “ໂອມິຄຣອນລ່ອງຫົນ” (stealth Omicron) ເນື່ອງຈາກມີການກາຍພັນຈົນເຮັດໃຫ້ເກີດຄວາມແຕກຕ່າງທາງພັນທຸກັມສົ່ງຜົນໃຫ້ການກວດຫາເຊື້ອຍາກຂຶ້ນ, ແຕ່ຄວາມຮຸນແຮງທີ່ກໍ່ໃຫ້ເກີດອາການປ່ວຍໜັກນັ້ນ, ຍັງບໍ່ເທົ່າໂຄວິດໂອມິຄຣອນສາຍພັນຍ່ອຍກ່ອນໜ້ານີ້.

​ລາຍງານຜົນການສຶກສາເບື້ອງຕົ້ນໃນອັງກິດຊີ້ວ່າ: ເຊື້ອໂຄວິດ-19 ໂອມິຄຣອນສາຍພັນຍ່ອຍ BA.2 ອາດຈະຕິດງ່າຍຂຶ້ນກວ່າເກົ່າ; ຊຶ່ງຂະນະນີ້ພົບຜູ້ຕິດເຊື້ອຢູ່ໃນຫຼາຍກວ່າ 40 ປະເທດ ບໍ່ວ່າຈະເປັນ ອະເມຣິກາ, ອັງກິດ, ເດນມາຣ໌ກ, ຟິລິປປິນສ໌, ອິນເດຍ, ສະວີເດນ ແລະສິງຄະໂປຣ໌.

แชร์