5 ປີລຽນຕິດ ທີ່ຈີນຄອງຄວາມເປັນ 1 ຂອງໂລກດ້ານມູນຄ່າການຄ້າ

ໃນປີ 2021 ສປ ຈີນ ໄດ້ກາຍເປັນຕະຫຼາດບໍລິໂພກໃຫຍ່ອັນດັບ 2 ຂອງໂລກ, ຂະນະທີ່ຍອດມູນຄ່າການຄ້າສິນຄ້າແມ່ນຢູ່ໃນອັນດັບ 1 ຂອງໂລກ ເປັນໄລຍະເວລາ 5 ປີຕິດຕໍ່ກັນ.

ສຳລັບການດຶງດູດການລົງທຶນໂດຍກົງຂອງຕ່າງປະເທດຈີນຖືກຈັດເປັນອັນດັບ 2 ຂອງໂລກ, ສ່ວນການລົງທຶນຂອງຈີນຢູ່ຕ່າງປະເທດກໍຢູ່ໃນລະດັບນຳໜ້າຂອງໂລກ, ໂດຍຈີນໄດ້ສ້າງເຂດທົດລອງການຄ້າເສລີ 21 ແຫ່ງ, ໄດ້ຊຸກຍູ້ການສ້າງທ່າແຮງການຄ້າເສລີໄຫຫຼຳ, ໄດ້ເຊັນສັນຍາການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ ຫຼື ອາຣ໌ເຊ໊ປ (RCEP) ຊຶ່ງເປັນສັນຍາການຄ້າເສລີໃຫຍ່ທີ່ສຸດຂອງໂລກ.

ຫ້ອງການຖະແຫຼງຂ່າວຂອງຄະນະລັດຖະບານຈີນ, ໂດຍເຈົ້າໜ້າທີ່ກ່ຽວຂ້ອງຂອງກະຊວງການຄ້າຈີນໄດ້ແຈ້ງສະພາບການເຄື່ອນໄຫວວຽກງານດ້ານການຄ້າຂອງຈີນໃນປີ 2021, ຕໍ່ກອງປະຊຸມຂ່າວເມື່ອວັນທີ 25 ມັງກອນ 202, ຊຶ່ງລະບຸວ່າ: ການຄ້າຂອງຈີນໄດ້ຂະຫຍາຍຕົວໄປໃນທິດທາງທີ່ດີຢ່າງໝັ້ນທ່ຽງ ແລະດີກວ່າຄາດໝາຍ, ສ່ວນການຄ້າກັບຕ່າງປະເທດ, ການດຶງດູດການລົງທຶນໂດຍກົງຂອງຕ່າງປະເທດ, ການບໍລິໂພກ ແລະ ອັດຕາສ່ວນການລົງທຶນຂອງຈີນຢູ່ປະເທດລຽບຕາມ “ໜຶ່ງແລວໜຶ່ງເສັ້ນທາງ” ລ້ວນສ້າງສະຖິຕິໃໝ່, ຂະນະທີ່ການຮ່ວມມືຫຼາຍຝ່າຍ ແລະ ການຮ່ວມມືສອງຝ່າຍ ກໍມີຄວາມຄືບໜ້າທີ່ສຳຄັນ, ຊຶ່ງເປັນການເລີ່ມຕົ້ນທີ່ດີໃນການພັດທະນາການຄ້າໃນໄລຍະຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 14 ແມ່ນໄດ້ປະກອບສ່ວນຢ່າງຕັ້ງໜ້າເຂົ້າໃນການຟື້ນຟູ ແລະ ພັດທະນາເສດຖະກິດແຫ່ງຊາດຢ່າງຕໍ່ເນື່ອງ.

ຂອບໃຈຂໍ້ມູນຈາກ: CRI

แชร์