ໂສມໜ້ານາງສາວ ນວ ເຂົ້າຮອບ 20 ຄົນສຸດທ້າຍ

ພະແນກຖະແຫຼງຂ່າວວັດທະນະທຳ ແລະທ່ອງທ່ຽວນະຄອນ ຫຼວງວຽງຈັນ (ຖວທ ນວ) ຮ່ວມ ກັບບໍລິສັດກຣິດຕະພົງກຣຸບຈຳກັດໄດ້ຈັດງານຖະແຫຼງຂ່າວເປີດໂຕ ນາງສາວນະຄອນຫຼວງວຽງຈັນ (ນວ) ປະຈໍາປີ 2019 ທີ່ຜ່ານເຂົ້າຮອບ 20 ສຸດທ້າຍຂຶ້ນໃນວັນ ທີ 16 ມີນາ 2019 ທີ່ແລນມາກແມ່ຂອງຣີເວີໄຊ ໂດຍການເຂົ້າ ຮ່ວມເປັນປະທານຂອງທ່ານ ສາລີ ນັນທະວົງ ຫົວໜ້າຂະແໜງວັດທະ ນະທໍາພະແນກ ຖວທ, ທ່ານ ນາງ  ອໍລະໄທ  ສັນຕິຄົງຄາ  ຜູ້ອຳນວຍ ການບໍລິສັດກຣິດຕະພົງກຣຸບຈຳ ກັດ, ທ່ານ ນາງ ນິສຸດາ ວົງປະເສີດ ນາງສາວນະຄອນຫຼວງວຽງຈັນ ປະຈໍາປີ 2018, ມີບັນດາຄະນະ ກໍາມະການຜູ້ຕາງໜ້າອົງການຈັດ ຕັ້ງມະຫາຊົນ  ແລະຜູ້ໃຫ້ການສະໜັບ ສະໜູນເຂົ້າຮ່ວມ.

 ທ່ານ ນາງ ອໍລະໄທ ສັນຕິຄົງ ຄາ ຜູ້ອຳນວຍການບໍລິສັດກຣິດຕະ ພົງກຣຸບຈຳກັດທັງເປັນປະທານຈັດງານຄັດເລືອກນາງສາວ ນວ ປະ  ຈຳປີ 2019 ໃຫ້ຮູ້ວ່າ: ການປະ ກວດນາງສາວ ນວ ເປັນເວທີໃນ ການການສົ່ງເສີມແມ່ຍິງລາວຮຸ່ນໃໝ່ໄດ້ສະແດງຄວາມສາມາດຂອງ ຕົນຢູ່ເທິງວີທີໃຫ້ສັງຄົມໄດ້ເຫັນທັງ ເປັນການສົ່ງເສີມມໍລະດົກທາງວັດ ທະນະທຳນຳຄຸນຄ່າສູ່ແມ່ຍິງລາວທັງເປັນການອະນຸຮັກວັດທະນະທຳທາງດ້ານການນຸ່ງຖື.ສຳລັບການຄັດເລືອກຄັ້ງນີ້ມີນາງສາວເຂົ້າຮ່ວມ ທັງໝົດ 85 ຄົນ ໂດຍຜ່ານການຄັດ ເລືອກຈາກຄະນະກຳມະການໃນ ຮອບນີ້ເພື່ອໄປຄັດຕໍ່ໃນຮອບສຸດ ທ້າຍມີ 20 ຄົນ ຊຶ່ງທັງ 20 ນາງສາວຈະໄປເກັບຕົວ ແລະຮ່ວມ  ເຄື່ອນໄຫວກິດຈະກຳຕ່າງໆຂອງ ລາຍການຄັດເລືອກ, ສ່ວນຮອບ ຄັດເລືອກຊະນະເລີດຈະໄດ້ຈັດຂຶ້ນ  ວັນທີ 6 ເມສາ 2019 ໂດຍຈະ  ຄັດເອົາພຽງ 7 ຄົນ ເພື່ອເປັນນາງ ສັງຂານແຫ່ໃນບຸນສົງການປີໃໝ່ ລາວ ປະຈຳປີ 2019. ນອກນີ້ຜູ້ ທີ່ໄດ້ຊະນະເລີດຍັງຈະໄປຄັດເລືອກ ຕໍ່ລາຍການ Miss Chinese ຢູ່  HongKong ປະເທດຈີນ  ແລະຮອງ ຊະນະເລີດ 2 ຄົນ ຈະໄປຄັດເລືອກ ລາຍການ Miss Asian Pacific ຢູ່ຕ່າງປະເທດຕື່ມອີກ.

ກອງປະກວດນາງສາວນະຄອນຫຼວງວຽງຈັນ ແມ່ນໄດ້ເປີດ ໃຫ້ໂຫວດເພື່ອໃຫ້ກຳລັງໃຈບັນດານາງສາວນະຄອນຫຼວງວຽງຈັນ ທັງ 20 ນາງສາວ ຊຶ່ງສາມາດ ຮ່ວມໂຫວດດ້ວຍການສົ່ງຂໍ້ຄວາມ ຜ່ານເຄືອຄ່າຍ ETL “ສະເພາະຫຼັກ2 ເທົ່ານັ້ນ”  ດ້ວຍການພິມໝາຍ ເລກທີ່ທ່ານມັກ MVT…ຈາກນັ້ນ ຂັ້ນດ້ວຍເຄື່ອງໝາຍ  “*” ຕາມດ້ວຍ ຈໍານວນ ແລະສົ່ງໄປເບີ 2018 ຕົວຢ່າງ: MVT99*1 ຈະໄດ້ 1 ຄະແນນ (800ກີບຕໍ່ຄັ້ງ) ຫຼື Super Vote: MVT99*10 ຈະໄດ້ 10 ຄະແນນ (8,000 ກີບຕໍ່ຄັ້ງ)- 1 ຄະແນນຕໍ່ 800 ກີບ, ຈຳກັດ ບໍ່ໃຫ້ເກີນ 100 ຄະແນນຕໍ່ຄັ້ງເລີ່ມ ໂຫວດໄດ້ຕັ້ງແຕ່ວັນທີ 1 ມີນາ ຫາ ວັນທີ 6 ພຶດສະພາ 2019.

ໃນພິທີ, ທ່ານ ພູວົງ ພາມີສິດປະທານຮ້ານຄຳພູວົງຍັງໄດ້ມອບ ມຸງກຸດໃຫ້ກັບກອງປະກວດ, ຊຶ່ງພິ ເສດໃນປີນີ້ທາງຮ້ານຄໍາພູວົງໄດ້ສະໜັບສະໜູນ 3 ມຸງກຸດ ລວມມູນ ຄ່າຫຼາຍກວ່າ 150 ລ້ານກີບ.

ນສພ ເສດຖະກິດ-ສັງຄົມ

แชร์