ຮູ້ຈັກວິຖີຊີວິດ ນາງງາມຫວຽດນາມ

    ຫຼັງຈາກຈົບການປະກວດນາງງາມຈັກກະວານ 2018 ໃນວັນທີ 17 ທັນວາ ຜ່ານມາໂດຍສາວງາມຈາກຟິລິບປິນເປັນຜູ້ຄ້ວາຕຳແໜ່ງໄປຄອງທັງນີ້ຍັງມີການເປີດເຜີຍປະຫວັດຂອງສາວງາມອີກຫຼາຍປະເທດຢ່າງຕໍ່ເນື່ອງໂດຍໜຶ່ງໃນຄົນທີ່ໜ້າສົນໃຈຄືເຫີແຮນເນຍ (H’Hen Nie) ສາວງາມຈາກ ສສ ຫວຽດນາມ ທີ່ໄດ້ເຂົ້າເຖິງຮອບ 5 ຄົນສຸດທ້າຍນັ້ນເອງ.

ໂດຍຫຼາຍຄົນຍັງບໍ່ຮູ້ວ່າມິສ ຫວຽດນາມ ມີປະຫວັດທີ່ໜ້າສົນໃຈຫຼາຍລາວເປັນສາວຊາວບ້ານໃນແຂວງດັກລັດທາງພາກເໜືອຂອງນະຄອນ ໂຮຈິມິງ ເກີດໃນຄອບຄົວທີ່ທຸກຍາກ ແລະມີຊີວິດ ລຳບາກເນື່ອງຈາກເປັນຊົນເຜົ່າກຸ່ມນ້ອຍຂອງປະເທດ, ເຫີແຮນເນຍ ກ່າວວ່າຄອບຄົວລາວທຸກຍາກພໍ່ແມ່ເປັນຊາວສວນກາເຟ, ເຮືອນເປັນເຮືອນໄມ້ມຸງດ້ວຍສັງກະສີລາວເຮັດວຽກ ແລະຮຽນໄປນໍາ ລາວໃຊ້ຊີວິດແບບຊາວບ້ານທົ່ວໄປ, ໃນຕອນລາວອາຍຸ 14 ປີ ຄອບຄົວຢາກໃຫ້ລາວແຕ່ງດອງແຕ່ລາວຢືນຢັນຈະເລືອກຮຽນໜັງສື.

  ໄລຍະປະກວດນາງງາມລາວຕົກເປັນປະເດັນເມື່ອຖືກດູມິນຈາກເພື່ອນນາງງາມຮ່ວມເວທີມິສຢູນິເວິສ 2018 ໃນເລື່ອງເວົ້າພາສາອັງກິດບໍ່ໄດ້ດີໂດຍສາວຊົນເຜົ່າຫ່າງໄກຍອມຮັບວ່າມັນເປັນເລື່ອງຈິງທີ່ຂ້ອຍບໍ່ເກັ່ງເລື່ອງພາສາອັງກິດ, ຊຶ່ງເຫີແຮນເນຍຖືເປັນຕົວແທນຈາກຫວຽດນາມຄົນທຳອິດທີ່ສາມາດຜ່ານເຂົ້າຮອບ 5 ຄົນສຸດທ້າຍ ແລະລາວຄືສາວງາມທີ່ກຳລັງເປັນທີ່ເວົ້າເຖິງໃນໂລກອອນລາຍໂດຍລາວບອກວ່າສິ່ງທີ່ຈະນໍາກັບບ້ານເກີດບໍ່ແມ່ນພຽງຄວາມພາກພູມໃຈໃນຖານະຕົວແທນຫວຽດນາມທີ່ສ້າງປະຫວັດສາດຜ່ານເຂົ້າຮອບ 5 ຄົນສຸດທ້າຍເປັນຄົນທຳອິດເທົ່າ ນັ້ນຄວາມທ້າທາຍຕົ້ນຕໍຄືການເປັນແຮງສົ່ງເສີມການພິທັກສິດທິສະຕີ.

  ທັງນີ້ຄລິບມິສຫວຽດນາມສຸດເກັ່ງຄົນນີ້ກັບວິຖີຊີວິດປະຈຳວັນຂອງລາວໃນບ້ານເກີດຊຶ່ງເປັນຊົນເຜົ່າທີ່ຫ່າງໄກຂ້ອນຂ້າງທຸລະກັນດານລາວຍັງໄດ້ແບກເຂົ້າ, ເຄື່ອງຂອງໄປແຈກຈ່າຍພ້ອມທັງກອດຄົນໃນຊຸມຊົນຂອງລາວໂດຍບໍ່ມີທ່າທີລັງກຽດ. ໂດຍມິສຫວຽດນາມໄດ້ມອບເງິນຈຳນວນ 45 ພັນໂດລາສະຫະລັດ ທີ່ສະປອນເຊີຫວຽດນາມມອບໃຫ້ລາວໃຫ້ກັບການກຸ ສົນທັງໝົດເພື່ອສະໜັບສະໜູນການສຶກສາ, ສ້າງຫໍສະໝຸດໃນໝູ່ບ້ານ ຊົນເຜົ່າ, ພໍ່ແມ່ຂອງລາວບອກວ່າຢູ່ເຮືອນມີເຂົ້າກິນ, ມີເຮືອນຢູ່ແລ້ວຄວນໃຫ້ຄົນອື່ນທີ່ເຂົາຍັງບໍ່ມີ.

 

แชร์